Plantun de Prouvènço

Pèr coumpara dos planto d'encò nostre

Vitis riparia x Vitis rupestris & Herniaria incana

Lambrusco(-bastardo)

Vitis riparia x Vitis rupestris

Vitaceae

Àutri noum : Trihiero, Vedigagno, Vigno.

Nom en français : Vigne hybride.

Descripcioun :
Aquesto lambrusco, de tèms counfoundudo emé Vitis riparia, se vèi proun en ribo d'aigo, dins li ripisilvo, ounte escalanto d'en pertout. Se recounèis à si fueio quàsi sènso péu dessouto (aleva contro li bifurcacioun di costo) e qu'an tres dènt quàsi paralèlo emé un "sinus" de pecou mens prefouns que la vertadiero Vitis riparia que sèmblo gaire se naturalisa. Es uno bastardo naturalo nascudo en Franço emé de vigno vengudo d'Americo pèr lucha contro lou filóussera. Sarié degudo à la poulinisacioun de V. riparia, "Gloire de Montpellier" pèr V. riparia " dóu Lot".

Usanço :
Coume pèr lis àutri lambrusco, li fueio dèvon èstre vertuouso pèr la circulacioun dóu sang (cambo lourdo e moureno), soun peréu astringènto e diuretico.

Port : Liano
Taio : 0,5 à 4 m
Fueio : alterno
Tipe bioulougico : Faneroufite
Cicle bioulougico : Planto renadivo

Gènre : Vitis
Famiho : Vitaceae

Ordre : Vitales

Coulour de la flour : Verdo
Petalo : 8
Ø (o loungour) flour : 4 à 5 mm
Flourido : Printèms - Estiéu

Sòu : Ca
Autour basso e auto : 0 à 800 m
Aparado : Noun
Mai à juliet

Liò : Ribiero - Ermas - Ripisilvo
Estànci : Termoumediterran à Coulinen
Couroulougi : Éuroupenco-Sud
Ref. sc. : Vitis riparia x Vitis rupestris Tison, 2014

Turqueto(-blanquinouso)

Herniaria incana

Caryophyllaceae Illecebraceae

Autre noum : Erbo-dóu-Turc.

Nom en français : Herniaire blanchâtre.

Descripcioun :
Aquesto turqueto, cuberto de péu blanc, rebalo au sòu dins li tepiero duberto e li relarg à jóuinis aubret. Es uno planto renadivo amé la souco legnouso. Lis estipulo soun pelouso au contro de li de l'erbo-de-matriço, Herniaria hirsuta, qu'es uno planto de l'an. Coumpara emé l'erbo-de-matriço que ié sèmblo proun.

Usanço :
A bessai li mémis usanço que lis àutris turqueto.

Port : Erbo
Taio : 10 à 40 cm
Fueio : alterno
Tipe bioulougico : Camefite
Cicle bioulougico : Planto renadivo

Gènre : Herniaria
Famiho : Caryophyllaceae
Famiho classico : Illecebraceae

Ordre : Caryophyllales

Coulour de la flour : Verdo
Petalo : 5
Ø (o loungour) flour : 1 à 2 mm
Flourido : Printèms - Estiéu

Sòu : Ca
Autour basso e auto : 200 à 1800 m
Aparado : Noun
Jun à avoust

Liò : Tepiero - Relarg à jóuinis aubret
Estànci : Subremediterran à Mountagnard
Couroulougi : Éuropo-Sud
Ref. sc. : Herniaria incana Lam., 1782

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Vitis riparia x Vitis rupestris & Herniaria incana

ges

Coumpara Lambrusco(-bastardo) emé uno autro planto

Coumpara Turqueto(-blanquinouso) emé uno autro planto